How to Express Your Feelings ( दिल की आवाज )

Hello Friends,

Sabse pehle toh mein ye soch rhi hu ki ye post mein likh rahi hu wo english me likhu ya fir hindi me. Agar english me likhu toh bahut saare log aese honge jinko english toh aati hai but bahut jyada nahi meri tarah :p  matlab bus tooti footi aati ki samajh toh lete or kuch words toh aese aajate jinka meaning bhi nhi pta hota toh samajh hi nahi paate ki likha kya hai. sabko simple or aasani se samajhne wali cheeze achi lagti hai jisme koi bhi mehnat na karni pade. Dimag na lagana pade jyada or samajh me bhi aajaye. har kisiki life me koi na koi insan aesa jarur hota hai jisse wo ekdum open hota hai, jisse wo apne maan ki baat keh sakhta hai, chahe buri or ya fir achi wo saari baate share karta hai usse, wo isliye kyuki wohi uski baatein dhyan se sunta hai or uski baate sunkar gussa nahi hota balki usse samjhata hai.

Duniya me aese bhi bahut log hai jinke pas koi bhi nahi hota jisse wo apni baatein khulkar share kar sake, kisi par vishwas kar sake. To ye blog unhi logo ke liye hai jo apni baatein kehna chahte hai par keh nahi paate. Toh mene socha kyu na apni baate blog likhkar kahi jaye. kam se kam ek sukoon toh milta hai ki hamne apni baatein kahi toh share ki hai. Kafi dino se bus kuch acha hi nahi lag rha tha.. na job me na ghar me kahi bhi nahi pta nhi aesa lagta tha kuch toh galat horha hai jo nahi hona chahiye. 

Hum sab job karna chahte hai ya fir apna business lekin sawal ye aajate hai kese? Business ke liye bhi toh paisa chahiye jo hai nahi ,,,,,uske liye bhi pehle job karo, kamao fir koi business start hoga or pta nhi kitne saal isme lagenge or wo chalega bhi ya nahi. Hum ye bhi chahte hai ki hamare gharwalo ke liye hum kuch kare, unki liye wo sab cheeze kar sake jisse unki jarurat bhi puri hojaye or wo khush bhi rahe but chahte hue bhi wo jarurate kabhi puri hi nhi hopati jinti income badhti utne hi kharache badh jate hai, or din aesa aata ki job bhi nahi rehti or job nahi toh fir wohi sab.,,,,, paisa paisa or paisa .....har kisike muh par bus paisa hi rehta hai ......life bina paise ke nhi chalti,,, bina kamaye kuch nahi,,,,,,, ye paisa hi wajah hai saare relations ke beech me jo saare relations ko kharaab karta hai..kyuki log ussi ke sath bethna, uthna, bolna, rehna pasand karte hai jinke pas paisa hai warna toh apne khudke gharwale bhi aapko kuch nahi samajhte. Jab tak aap khud unki jarurate puri kar rahe ho tab tak toh sab thik hai ,,,jese hi unki jarurate puri nahi hoti wo hame bhi yehi bolte kamate toh kuch hai nahi bus kharcha karna hota,,,, itni mehgai horakhi hai ye wo...pta nahi kya kya sunate hai......yani ki ye jo time hai ye sirf paise ke aage jhukta hai .........ek taraf toh hum ye bolte hai  paise ke bina kuch bhi nahi hai...or dusri taraf bolte hai kya rakha hai paise me kuch bhi toh nhi,,,,,,paisa hame saari khushiya nahi de sakta ......ye dono hi baate sahi hai. paisa hamari sirf daily life ki jarurate puri kar sakta hai ,,,or pyar wo cheez kar deta hai jo paisa kabhi nahi kar sakta ....... hamara nature hi bus aesi cheez hai jiski wajah se log hame yaad rakhte hai warna paise ka kya hai wo toh aata jata rehta hai.

Bus aaj itna hi....next time kuch or baato ke sath firse kuch naya likugi or share karugi aap logo ke sath. Kuch maan ki baate, kuch life ke experience ,,, ...... Han ek baat or bus hamesha khush rahiye or dusro ko bhi rakhiye .....yehi toh hai Zindagi....... Thank for reading....... Love Yourself.....No matter what you are :)